في عيد الميلاد... تذكّر المعنى الحقيقي للعيد

في فترة الأعياد، غالبا ما يتخطّى المصروف الميزانية المقرر عليها.

لهذا السبب سنعرض عليكم كيفية تقسيم الميزانية للوصول إلى آخر الشهر ولكي لا تردّدوا هذه الكلمة: فلّسنا!

ما تغيروا بميزانية هدايا الميلاد!

أولا لازم تحدّدوا مبلغ لهدايا الميلاد، بعدها لازم تقسموهن بين هدايا الولاد وهدايا الكبار. لازم تدونوا على ورقة حد كل إسم شو هي الهدية.

وأكيد لازم تحددوا قيمة المبلغ يللي بدكن تحطّوا لكل شخص. يمكن المبلغ يكون أعلى لأشخاص معينين و للبعض أقل لكن المهم ما يتخطّى الميزانية. اذا اتخطى رح يبلّش التشنج والغوص بالديون.

حضّر المدوّنة بهدايا الميلاد

الأهم تضل الامور ماشية حسب الخطة، دوّن أسامي الولاد على ورقة والهدية يللي بدك تقدّما حدّ الاسم.

والاكيد بتكون قررت على المبلغ يللي بدّك تدفعوا على كل هدية.

دايما خلّي هدية أو هديتين للأولاد لإذا طرق أي طارق بدون حسبان

تذكّر المعنى الحقيقي للعيد

دايما بفترة الاعياد لازم نتذكّر الاشخاص يللي مش قادرين يعيدوا معنا. عيد الميلاد هو عيد العطاء والمحبة، فما تنسى تعمل عمل خير تيكتمل المعنى الحقيقي للعيد الا وهو عيد الميلاد لكل الناس

اشتري هدايا الميلاد من المحلات الصغيرة

بفترة الاعياد، معظم الناس بفكروا يشتروا هدياهم من المولات. بس اتذكّروا محل الالعاب يللي حدّ بيتكن وبكون عندوا نفس الالعاب، شجعوهن، هنّي كمان بدّن يعيدوا.

بكل الاوقات لازم دايمن ننتبه على الميزانية وخصوصة بفترة عيد الميلاد وقتا دايمن بيطلع هدايا ما منتوقعها.

التزموا بهذه النصائح وبهالطريقة بتتفادوا الافلاس قبل آخر الشهر من الاعيد!

ومنتمنّالكن تسويق موفّق وميلاد مجيد!