في ناس ما بتحب فصل الشتي أبداً وفي ناس بيعتبروا الشتي أحلى موسم بالسنة والسبب: التزلجّ!
بس المشكلة بالتكاليف! رياضة التزلج أو الـski مكلفة.
خلّينا نساعدك تخطّط لرحلة تزلّج بأقل تكاليف ممكنة.

حصال على تذكّرة تزلّج موسمية
بالرغم من أنّو ممكن يكون سعرتذكرة التزلج الموسميّة مرتفعة، بس بتوفّر كتير على المدى الطويل إذا كنت بتمارس هالرياضة بانتظام. وسعر تذكرة التزلّج الموسمية بيختلف حسب العرض يلّلي بتختاروا.

اختارالموقع المناسب للتزلج
بتختلف التكلفة حسب المنطقة والمنتجعات للتزلج ، و ما تنسى التكاليف الأخرى مثل أسعار البنزين، المزلّجات والمعدّات. حتى لو كانت التكلفة أقل بـ ١٠دولار /اليوم الواحد بين المنتجع والآخر فيك توفّر كتير.

بتشتري أكل أو بتجيب معك؟
فيك تتناول الطعام في المنتجع إذا كنت عم تتزلج بشكل غيرمتكرّر. ما تنسى تستعمل بطاقة الائتمان عن الدفع تتستفيد من النقاط أو من استرداد النقود. أما إذا كنت طالب جامعي، بيطلعلك خصومات إضافية في بعض الأماكن .أما إذا كنت متزلّج محترف، أحسن تاخد طعامك الخاص مثل ساندويش صغيرأو فواكه أو شوكولاتة لمّا تتكلّف كتير.

اختار الوقت المناسب للتزلّج
من المعروف أنو التزلج في عطلة نهاية الأسبوع رح يكلفك اكثرمن أي يوم آخر. جرّب تطلع تتزلج بأيام الاسبوع توفّر على حالك تكاليف إضافية.

بتشتري المعدات أو بتستأجر؟
اذا اشتريت معدّات التزلج رح يكلفوك كتير إلّا إذا اعتبرتو استثمار على المدى الطويل. وبهالطريقة بتوفّرعحالك. وما تنسى إنو بآخر الموسم، كتير من المحلات بتعمل خصومات على معدات التزلج فاشتري قبل ما يبلّش الموسم الجايي! أو فيك تستأجر المعدات متل معظم الناس، خاصة إذا ما بتمارس التزلّج بشكل منتظم.

مشاركة السيارات
مع ارتفاع سعر البنزين ، صرت بتحسب حساب تكاليف النقل تتطلع تتزلّج. فاذا كنتو كتار فيكن تطلعوا سوا بالسيارة، كل مرّة حدا بياخد سيّارتو، بهالطريقة بتتقاسموا تكاليف البنزين وبتتسلّوا أكتر وبذات الوقت بتحافظوا على البيئة وعلى الميزانية!

وفّّر للموسم الجايي
لمحبّي التزلّج كتير، فيكن تفتحوا حساب وتجمعوا للسنة الجايي وهيك بمطلع الموسم الجديد، بيكون عندك ما يكفي من المال لتغطية جميع النفقات.