مع مين رح تسافر؟
عم تحضّر لسفرة ومحتار مع مين بدّك تسافر؟ بدّك الكاش وخايف تحتاج للكارت؟ إذا ما بتعرف شو الأفضل، خلّينا نخبّرك شو الفرق:
الكارت:
- سهل الحمل: خفيف وصغير، يعني أقلّ لبكة
- فيك تستبدله: إذا انسرق، فيك تلغي أيّ كارت بتحمله بمجرّد الاتصال بالبنك
- فيك تتأكّد من شروط التداول بالعملات الأجنبيّة، لتعرف الرسوم الإضافيّة المفروضة عليك بس تصرّف مصاري أو تسحبها من الـ ATM. . إذا مسافر على أوروبا، وفّر على حالك واحصَل على بطاقة
Euro Card من البنك. . ولتتفادى الرسوم، تأكّد إنّه الرمز الموجود على أسفل يمين بطاقتك هوّ ذاته على الآلة.
- معرّض لعمليّات الغشّ والاحتيال: من السهل على التجّار سرقة معلومات بطاقات الإئتمان الشخصيّة. إذا لاحظت أيّ حركة بتثير الشكّ بحسابك، بسرعة خبّر البنك ليتحقّق من الموضوع ويعالجه.
الكاش:
- مش آمن: بما إنّك معرّض للسرقة بأيّ وقت، خلّي أغلبيّة المصاري بخزنة الأوتيل وما تحمل معك إلا المبلغ يلّي بحاجته.
- بلا رسوم إضافيّة: عكس الكارت، بس تدفع كاش ما بتدفع رسوم تحويل العملة أو الفوائد.
- مش سهل الحمل: في فرق بين حمل مبلغ من الأوراق النقديّة وبطاقة مصرفيّة صغيرة!
- إذا مسافر على مدينة أو ضيعة تذكّر في مناطق وبلدان صعب تلاقي فيهن أجهزة ATM ، فالأفضل تحمل معك كاش.
والحلّ؟
استعمل الكارت للدفعات الكبيرة والكاش للدفعات الزغيرة متل الأكل، يعني Shopping = كارت وفنجان القهوة = كاش.
استخدم تطبيق البنك أو الموقع الإلكتروني إنت ومسافر لتتأكّد من رصيدك وتتحكّم بحسابك وتحوّل المصاري بين حساباتك بأيّ عملة أو تحوّل لفريق تالت بنفس البنك بطريقة آمنة.
بنك بيروت – لائحة المصارف رقم: 75 خدمات مصرفية الكترونية مرخصة بموجب كتاب مصرف لبنان رقم 11/629 تاريخ 2 تشرين الأول 2008 | 2020 كل الحقوق محفوظة