ربحت زميلتنا ماريان بو روفاييل، مديرة مشروع بالقسم المالي لبنك بيروت، جائزة الـ Golden Sapphire Award Employee of the Year، عن فئة الخدمات المصرفية والمالية. تسلّمت بو روفاييل هالجائزة خلال الحفل الأوّل لـ Sapphire Awards Program (SAP) بالتعاون مع الجامعة الأميركيّة للعلوم والتكنولوجيا (AUST)، لتكريم الموظّفين الإستثنائيّة.
تقسّم 100 مشترك على 10 فئات، تابعوا ورشة عمل لفنّ الخطابة (public speaking)، وبلّشت المنافسة! ألقت بو روفاييل خطاب عن بنك بيروت قدّام الحكّام اللي نقّوا رابح بكلّ فئة.
بو روفاييل، اللي إلها 8 سنين مع فريق بنك بيروت، شكرت هالمؤسّسة لإيمانها فيها وشجّعت كلّ زملائها إنّو يشتركوا بهالمسابقة بالمستقبل. كما إنّها عبّرت عن فخرها بمشوارها المصرفي وبتتأمّل إنّها تحقّق المزيد من النجاحات.
نحنا بدورنا منهنّي بو روفاييل على جهودها ومنأكّد قناعة د. صفير "عنّا الفريق، الأدوات والإبداع لنستغلّ الفرص الجديدة ونتفوّق بالتحدّيات القادمة". كلّنا سوا، أكيد رح ننجح لأبعد حدود!
بنك بيروت – لائحة المصارف رقم: 75 خدمات مصرفية الكترونية مرخصة بموجب كتاب مصرف لبنان رقم 11/629 تاريخ 2 تشرين الأول 2008 | 2020 كل الحقوق محفوظة